2019年11月28日

頭條日報：面皮薄唔敢高調宣傳 陳樂榣轉型設首飾品牌

前女子組合Freeze成員陳樂榣（Alley），2010年組合解散後，曾修讀美術的她轉行開畫室教畫畫，13年開始受好友楊柳青啟發搞網上首飾生意，婚後生埋女的她跟搞開時裝生意的老公成立自家首飾品牌，除了做網店，在銅鑼灣亦有實體店，她坦言因面皮薄不敢高調宣傳，依家算有點成績先敢認自己做老闆。採訪：杜淑霞

Alley同老公Donald分工合作，Alley主力負責設計方面，而Donald就同廠的師傅溝通。
Alley同老公Donald分工合作，Alley主力負責設計方面，而Donald就同廠的師傅溝通。
學過首飾設計的Alley，對鑲嵌有一定認識唔怕被考起。
學過首飾設計的Alley，對鑲嵌有一定認識唔怕被考起。


畢業於加拿大中學Granville College美術系的Alley，受畫家外公影響，6歲就畫畫，所以組合解散後她不愁沒出路，即在上環開設畫室教畫畫，「嗰時都幾多學生，但年幾兩年後好多學生畢業，生意冇咁好我就開始諗出路。」

Alley主力賣蘇聯石，但以真鑽石的鑲嵌方式，水準深得顧客讚賞，「啲客肯翻轉頭，甚至介紹畀朋友好緊要。」
Alley主力賣蘇聯石，但以真鑽石的鑲嵌方式，水準深得顧客讚賞，「啲客肯翻轉頭，甚至介紹畀朋友好緊要。」
12年，Alley跟從事時裝生意的Donald結婚，並誕下囡囡Aria。
12年，Alley跟從事時裝生意的Donald結婚，並誕下囡囡Aria。


兩公婆拍住上
當時Alley受好姐妹楊柳青影響，開始搞網店，「佢嗰時賣開韓國衫，我自己一向都好鍾意韓國啲首飾，又有學韓文，咪跟埋佢一齊去韓國入貨，最初我都碰過我好多釘㗎！入嘅貨品質素有時好參疵，啲客成日換貨都又唔係辧法，所以我學埋首飾設計，就算唔識整都明白個原理，唔會畀客人同廠家考起。」

12年Alley跟從事時裝生意的老公Donald結婚，兩公婆拍住上正式成立自家品牌「WOW Fashion Jewellery」，除了網上賣，在銅鑼灣都有實體店，更自設首飾廠，由設計、生產和零售都一腳踢。Alley直言生意開始上軌道才敢宣傳，「我面皮薄，所以唔適合做藝人，以前怕畀人話未做得好就高調宣傳，依家算有啲成績先敢認自己做老闆。」

離開娛樂圈後，Alley專注教畫畫一段日子。
離開娛樂圈後，Alley專注教畫畫一段日子。
07年，Alley跟甄穎珊和石詠莉組成Freeze入行。
07年，Alley跟甄穎珊和石詠莉組成Freeze入行。
https://hd.stheadline.com/life/ent/realtime/1648990/%E5%8D%B3%E6%99%82-%E5%A8%9B%E6%A8%82-%E9%A0%AD%E6%A2%9D%E7%8D%A8%E5%AE%B6-%E9%9D%A2%E7%9A%AE%E8%96%84%E5%94%94%E6%95%A2%E9%AB%98%E8%AA%BF%E5%AE%A3%E5%82%B3-%E9%99%B3%E6%A8%82%E6%A6%A3%E8%BD%89%E5%9E%8B%E8%A8%AD%E9%A6%96%E9%A3%BE%E5%93%81%E7%89%8C